काठमाडौँ – पत्रकार सीतारामप्रसाद बर्माको आज विहान उपचारका क्रममा ७९ वर्षका उमेरमा निधन भएको छ ।
किष्ट मेडिकल कलेज ग्वार्को ललितपुरमा उपचाररत बर्मा उच्च रक्तचाप र निमोनियाबाट पीडित थिए । उनले कोरोनाबाट भने जितेको जनाइएको छ ।
नेपाल पत्रकार महासङ्घ धादिङका संस्थापक सभापति बर्माले नेपाल प्रेस काउन्सिलबाट प्रेस स्वतन्त्रता सेनानी सम्मान पाएका थिए । करीव तीन दशकदेखि राससमा कार्यरत उनी राससबाट सम्मानित पनि भएका थिए ।
गोरखा पुख्र्यौली थलो भई धादिङलाई कर्मथलो बनाएका बर्माका श्रीमती, एक छोरा र तीन छोरी छन् । उनको आजै पशुपति आर्यघाटमा दाहसंस्कार हुँदै छ ।
